معناة الازواج السعوديين

خطوات يجب اتباعها عند اتخاذ قرار

قم بتحليل الموقف

ما هي الظروف المحيطة بالموضوع الذي تريد اتخاذ قرار بشأنه ؟ ما هي الظروف المواتية ؟ وما هي الظروف المعاكسة ؟ وما هي الظروف التي لم تتضح بعد ؟ ما هي بالضبط الأسباب التي …

تنهد محمد بشدة و هو يقود السيارة و بجانبه زوجته .. وسألها:ـ

شفتي ذيك اللبنانية اللي في المحل وشلون تحاكي الرجال اللي معها؟؟

تهقينه زوجها ولا مخاويته؟؟

ردت :إلا رجلها شايفته يوم يلبس الولد جزمته بعد ما قاس عليه البنطلون

.
تجاهل ملاحظتها بالنسبه للتلبيس و تسائل بغباء:
وشلون؟؟
وش قصدك ..وشلون؟؟ماسمعتيها وهي تقول شوف هالقميص حبيبي لونه حيصير يعقد لما تلبسه مع الجينز الكاكي من شان خاطري جربه يا روح آلبي.
وش يضركن يا السعوديات لو تسوون مثل هالأجنبيات..لطافة و شياكة وحكين يالله من فضلك

أولا :لو أقول لك ياحبيبي في المحل ـ(وطيت رجلي)ـ ..

ثانيا: الحريمه لابسه بنطلون جينز محكك ماشفت فيه أي بادرة شياكه..

و بعدين تعال ، وراك خليت كل شي و ماسمعت إلا هالكلمتين الزينات..

ما شفته ما شاء الله وهو ياما شال البنية من العربية ياما حطها فيها ..

ياما قاس اللبس على الولد ياما لبسه جزمته ..

ويوم خلصت الحريمة منقية قال هاتي اللي بإيدك حبيبتي من شان وديهم لعند الكاشيير...

مهوب مثلك إن كانك ذاك اليوم رايق و ذابحتك الرومانسية قلت:

إذا قضيتواتراي واقف برا أحتريكم..<~أليمه

ياعمري وقلبي أنت تبي من يقول لك ياحبيبي و ياروح ألبي...ما يحصل ..

اللي أوله شرط آخره نور ..شكلك نسيت يوم تقول لي أيام الملكة .

ترى إذا قلت لك يا حلوة وحنا نتناقش لا تصدقين ..

أنا دايم أقولها من باب السخرية و التهكم و لا أقصد فيها المدح إطلاقا..

ما أقول إلا الله كلن يخليه لعميره و أهيله ..والله لا قايلة لك يا عمري ولا يا روحي..

الحب أحبك ..مانيب كاذبه بس هالكلمات يالله أقولها لعيالي إذا صخّنوا... ] حقيقة مع اني أبنه سعودي و زوجة سعودي و أم سعودي و في يوم ما بإذن الله سأكون ـ(جدة)ـ سعوديين و أفتخر بهم جميعا[إلا أن الشغلة فيهابجاحة..<~ـ(طمع)ـشوي . لا والله مهوب شوي إلا ' بجاحة بلا حدود'

*أنت تبي زوجتك تقول لك كلام محبة و تعطيك عيونها وأنت في نفس الوقت ماتبي تعطيها عيونك ولا حتى نظارتك.

صراحة ...أشك أن السالفة سالفة أنكم بحاجة لكلام ناعم و ألقاب فقط ـ(وأدري أن كل الموضوع حجة لتبررون به حبكم للأجنبيات الجميلات فقط)ـ

ولا هذيفوزية الدريعطول برنامجها وهي يا عيوني و ياعيوني

..' كن منكب فيهن رماد'

و ما شفناكم مقابلين برنامجها.. القضية قضية وش شكل اللي قال الكلمة؟؟

*تبي زوجتك تحترمك وتغنج لك و تقول لك سم ولبيه و انت ردك عليها "هآآآاه؟؟بمعنى نعم " أو وش هنا؟؟أنا أعرف ولد في المتوسط إذا ناداه أحد رجال او أمرأه رد'سم'ما يدري ان المرأة يقال لها'سمي'ليس لأن عنده مشكلة في القواعد و المذكر و المؤنث و لكن لأنه و بكل بساطة ما قد سمع رجال من اللي حوله يقول لحرمة <<سمي>>

يا حليلك يالرجل السعودي عجيب وغريب و جرئ*غريب ..تبي زوجة أقدامها ناعمة و ركبها بيضاء وانت رجلينك كن الوحدة محراث تنور ..و اقدامك الشطب الواحد ممكن توزي فيه سكينة سويس ارمي

*عجيب.. تبي زوجة تلبس جينز و تتشيك لك بتنورة وانت أربعة و عشرين ساعة صيف و شتاء تدير و تاكل و تنام في اللبس السعودي الرسميفنيلة بيضاء نص كم و سروال سنة.. ومهما شرت لك المسكينة من بيجامات من تخفيض دبنهامز أو ماركس و سبنسر ما لبستهنـ(هي تشتري مخفضة ليس تقليل من قيمتك و لكن لأنالأمل ضعيففي انك تلبسهم)ـ

ياشباب!!ـ(الشياب توو ليت ماعاد فيه أمل يتعدلون)ـ

أنا متاكدة أن مافيه أنثى بتقول لها ' حبيبتي' و ترد عليك بجفاف ...

الأنثى معطاء جرب تعطيها حنان و بترد لك أكثر .

الشي الثاني يا أبني لو أنت تشيكت و لبست داخل البيت مستحيل أم العيال بتجلس في خلاقين أو لبس أقل من اللي انت لابسة ..

أصلا طبيعة الأنثى غيوره و بتجاريك في لبسك تلقائيا حتى ترتقي لمستواك .

ومثل ما يقولون الأمريكان"إت تيكس تو"ـ

ذكرت سالفة طريفة و هي سالفة النجدية <<أم علي>> اللي جتها جلطة عندما قال لها أبو عليياعيونيبعد40سنه من الحياة الزوجية ماكانت تسمع فيها الا ـ(ياهيش و يامره)ـ

و عندما سألوا أبو علي عن سبب التغيير المفاجئ ..أجاب :
بلاها والله بقرةولا هل يعقل أني بعد 40 سنه أبي أقولها ياعيوني ؟؟

ما طرت علي ..بس ذا الخبلة أقول لها ياعيوني ذبحها اللقاح حق االنخل وهي اللي طارت بالعجة و حسبتني أنهبلت و بديت أقول لها يا عيوني ..

الله ياخذ الروح قبل المكر و

السلام عليكم

متميزه عطر البنفسج كلعاده

لاكن لي عودة لرد

وبلموضوع جمله حيرتني (الله ياخذ (الروح) قبل المكرو)

تحياتي لك بنتظار قادم المشاركات

» حركــــات السعوديين بالمطاعـم خخخخخخ